Дзелавы стыль адзення
Каталог "Школьная калекцыя 2023-2024",
прадстаўлены канцэрнам "Беллегпрам"
Паважаныя бацькі і навучэнцы!
Ужо ў бягучым навучальным годзе ва ўсіх беларускіх школьнікаў з'явіліся адзіныя элементы школьнага адзення. А з 2023/2024 навучальнага года школьнікі будуць наведваць сваю навучальную ўстанову ў абавязковай школьнай форме.
Аднак форма не будзе адзінай для ўсіх устаноў адукацыі. Як адзначыў міністр адукацыі Рэспублікі Беларусь Андрэй Іванец гаворка ідзе не пра тое, што "ўся краіна надзене аднолькавыя штаны, аднолькавы пінжак і пойдзе ў адным колеры ў школу". "Беллегпрам" прапануе цэлую лінейку адзення, якое выкарыстоўваецца ў якасці школьнай формы для навучэнцаў, "таму кожная ўстанова адукацыі на сваёй радзе зможа выбраць камфортную школьную форму, але пры гэтым для ўсіх вучняў гэта будзе адзіная форма".
У ходзе адукацыйнага працэсу ў 2022/2023 навучальным годзе ва ўсіх відах устаноў агульнай сярэдняй адукацыі навучэнцы І-ХІ класаў прытрымліваюцца адзення дзелавога стылю. Нашэнне адзення дзелавога стылю навучэнцамі ўстаноў агульнай сярэдняй адукацыі з'яўляецца нормай, якая вызначаецца Статутам і правіламі ўнутранага распарадку для навучэнцаў.